Ólétt eftir óútskýrða ófrjósemi

Sælar,

Ég ætti að vera sett í kringum 26. apríl ef mínir útreikningar eru réttir Þetta er okkar annað barn en fyrir eigum við eitt sem er um 14 mánaða og verður því ekki orðið tveggja ára þegar kríli nr. 2 mætir

Við reyndum í um 6 ár að eignast fyrsta barn og tókst það loks með glasameðferð en nr. 2 er (ekki alveg óvænt) heimatilbúið kraftaverk við áttum alls ekki von á að við gætum gert þetta án aðstoðar, ég hafði aldrei orðið ólétt áður en glasameðferðin tókst.

Eru einhverjar fleiri hér í þessum sporum? stutt á milli eða óléttar eftir óútskýrða ófrjósemi ?  

Mér finnst þetta allt svo skrítið þ.e. að vera ekki svona "stýrðu" umhverfi, þ.e blóðprufur, sprautur, planaðir snemmsónartímar og allt það .... finnst ég bara vera í lausu lofti og er búin að taka ótal þungunarpróf ....

Er að reyna að bóka tíma í snemmsónar ef ég kemst að hjá kvennsanum mínum, þá verður þetta væntanlega raunverulegra Ég vona bara að þetta gangi allt eins vel og síðast

en frábært, innilega til hamingju <3
Er samt ekki með svona reynslu en finnst þetta æðislegt

Vá en frábært, til hamingju

Við kærastinn höfum verið saman í mörg ár og lengi rætt barnaeignir en þorðum aldrei að taka skrefið. Svo ákváðum við þetta saman í sumar og áttum von á að þetta tæki allavega einhverja mánuði. Svo verð ég ólétt í fyrsta tíðahring án pillunnar og samkvæmt reikningum er settur dagur 24.apríl. Finnst þetta svo óraunverulegt og er ekki enn að ná þessu.. Hringdi í morgun og pantaði tíma í snemmsónar sem ég fer í eftir tvær vikur.

Væri gaman að heyra fleiri sögur og mynda fleiri umræður hér inná

Æðislegt, innilega til hamingju!
Ég hef ekki reynslu af ófrjósemi, eiginlega þvert á móti   (þetta er 4. meðgangan mín og elsta barnið mitt er að verða 7 ára), en ég hef reynsluna á því að hafa frekar stutt á milli, miðjan mín var ekki orðin 1 árs þegar ég fékk jákvætt þungunarpróf aftur, það eru 20 mánuðir á milli þeirra

En ég á vinkonu sem átti bara alls ekki að geta eignast börn sjálf og fór í glasa með fyrsta barn eftir að hafa reynt lengi en varð svo ólétt aftur mjög fljótlega eftir að barnið fæddist

Gangi þér vel

Takk stelpur,

Svo ótrúlegt að þetta hafi gerst Norman11 þetta tókst einmitt í fyrsta hring sem við vorum ekki að passa okkur

Ég hafði einmitt heyrt að þetta gerðist oft en óraði ekki fyrir að það myndi gerast hjá okkur, var alveg búin að ákveða að við yrðum ekki svo heppin !

Mér finnst bara frábært að hafa svona stutt á milli

Daisy83 wrote:

Mér finnst bara frábært að hafa svona stutt á milli

Já mér finnst það æði
Alveg krefjandi fyrsta árið og líka núna þegar þeir eru 2 og 3 (tæplega 4 ára) og metast endalaust :p
En þeir eru líka rosa góðir vinir og ég vona að þeir verði bara enn nánari á næstu árum

Vá en frábært, mér var tilkynnt það fyrir ekki svo löngu að eg gæti ekki átt börn á "venjulega mátann" búin að vera í ýmsum hormóna meðferðum og rannsóknum. Fekk aldrei egglos sama hversu marga perotime hringi ég tók og úff það eru líklegast erfuðustu mánuðir sem ég og kærastinn minn höfum þurft að þola haha. Læknirinn minn ætlaði að bíða þangað til í haust með að koma okkur af stað í tækni eða glasa þannig ég hætti á öllum lyfjum og ákvað bara að fara leika mér þangað til allt batteríið átti að hefjast, við ss pöntuðum okkur sólalandaferð og ætluðum bara svolitið að sleppa okkur, eeen svo bara rétt fyrir ferðina komst í ljós að eg væri ólétt, ég held ég hafi aldrei grátið jafn mikið af gleði eins og þá. Er komin 8 vikur og 5 daga núna í dag og fekk að sjá hjartslátt á 6 viku og 5 degi. Er sett 7 apríl úr því sem komst úr snemmsónarnum.

En frábært litlabaun, innilega til hamingju

Þetta er svo skritið hvernig þetta gerist.... að geta eignast börn er sko ekki sjálfgefið og í raun bara algjört kraftaverk

Innilega til hamingju ! Ég er með Pcos , Mín stelpa er 15 mánaða ég er sett 5-7 Maí en verð gangsett 20-25.Apríl Eimitt fyrsti hringurinn okkar er enþá að átta mig á þessu Er endalaust þakklát, erfitt að trúa þar sem að það tók ár með hina. Þannig að það verður líka minna en 2 ár á miili.

Ég er í sama pakka daisy.
Reyndum í mörg ár og fengum svo barn eftir 2 tækni og 1 glasa 2007.
Höfum svo farið í 3 heilar glasa á sl. 3 árum og núna var ég bara að byrja að safna f. gjafaeggjameðferð á klíník í útlöndum. Vil helst ekk skipta meira við Art Medica.
Notaði svo egglospróf, gátum gert það einu sinni áður en hann fór út á land að vinna og það kom friggin jákvætt próf 24.8. Tók mörg test í marga daga og þetta virðist vera raunin. Er samt svo hrædd en reyni að vera jákvæð. Hef svosem aldrei misst, bara einu sinni verið ólétt. Já og ég varð fertug í sumar!
Er sett 29.4. og á pantaðan skoðunartíma hjá kvennsa á þriðjud. 7.9.. Sá verður hissa! Vona að allt líti vel út þá :/

Innilega til hamingju mas2206, ég hef einmitt bara orðið ólétt einusinni en finnst þetta eitthvað svo of gott til að vera satt ! en ég ætla bara að njóta!

Gangi þér vel hjá kvennsa !